У Королеві сьогодні помер Михайло Чухран

Як сут ліниві голубці ( де начинка и капуста не закручині у строго циліндричну форму) так є и ліниві віршикы, де начинка не оформлена рифмами и пунктуаційов у правильні куплеты. Чого? Бо лінуюся. На сись раз ото

Просив уд Крішны я в письмови

Любов и гроші и здоровля

Любов пак укреслив из списка

А гроші жирно так пудкреслив .

Маріка занялася йогов

Ото є типа Камасутра

Лиш без партнера .

У Йвана курта Камасутра

Пришов погладив и заспав

У позі лотоса .

Три літри є вина в Ивані

Иван уд рана є в нірвані

Чим не брахман .

Хвалився Шива многорукий

Ож ун всесильний всемогущий

Просив-им ‘го поправ дорогу

Уд Королева до Севлюша

Заткався .

Не пуднимай на ня качулку

Коли дому я прийду п’яний

А ліпше ги в індійськум кіні

И затанцюй и заспівай .

Казали Індія далеко

И тяжко ся туда дустати

Ай нашто є и в Королеві

Циганський табор .

Тягнуло змалку то до циці

А то до фляшечкы тягнуло

Коли-м пудрус до сього списка

Додався Интернет .

Кидь возьму книжку я читати

На другій же сторінці засплю

В Фейсбуці бы-м сидів до рана

Легко .

Из списку друзів у Фейсбуці

Бог Рама самоудалився

Я знаю фейк но всьо равно

Чогось ми тяжко на душі .

Махатма Ганді бов муй цімбор

Мы не противилися злу

Лиш раз за дівку дав я в пысок

Сьому козлу.

Перед окном мнявчала мачка

А за окном мнявчав мацур

З донькы ты мачку не чини

Пускай її на дискотеку .

Циганка розкладала карты

Хотіла ми поворожити

А я завісив юй погоны