В селі Голубинум Полянської ОТГ отворили памнятну таблу Франтішеку Товареку – чеському публіцисту, писателю, скауту, приятелю Подкарпатської Руси

Днесь, 20 августа, в селі Голубинум Полянської ОТГ отворили памнятну таблу Франтішеку Товареку – чеському публіцисту, писателю, скауту, приятелю Подкарпатської Руси.

Товарек робив учительом у Голубинум 1935-1938 рр. Збирав туй фольклор, котрый издав окремов книгов у 1975 р. под назвов “Трембіта звучить дале”, а в 1985 рокови – серію з 13 репортажув “Горы й люде: репортажі з Закарпатя”.

Обыдві книгы щи не переводили ся на украйинськый вадь русинськый язык.

Табла была встановлена за фінансової подпоры Ивана Дрогобецького, головы Полянської ОТГ й за участи Клуба Т.Г.Масарика в Ужгороді (голова Иван Латко) и Русин-Клуба (голова Юрій Шипович).

Автор барельєфу Едуард Алексій з Мукачова.