В Центрі култур націоналных меншин Закарпатя в Ужгороді одбыла ся презентація книгы “Унгвар-Ужгород. Муй рудный варош”
21 октовбра в Центрі култур націоналных меншин Закарпатя в Ужгороді одбыла ся презентація книгы “Унгвар-Ужгород. Муй рудный варош” Людвіга Філіпа, знамного русинського историка, почесного головы Ужгородського културно-освітного общества им. Александера Духновича.
Людвиг Иванович розказав про тот тирняный путь, котрый пройшло його дітище, и про вто, што книжка так бы й не дойшла до читача, кебы не подпора Жулканича Бориса, выкладача УжНУ. Лем його участь помогло книзі увидіти світ.
Презентацію нащивили Юрій Продан, голова Закарпатського обласного общества А. Духновича; Юрій Шипович, голова “Русин-Клуба”; Михаил Белень, днешньый голова Ужгородського общества им. А. Духновича; Василь Коцан, директор Закарпатського музею народної архітектуры й быта и др.
Модератором дійства быв Євген Жупан, голова НРРЗ.
