Дниська в Ужгородї ся удбыла скромна презентація другого числа журнала “Отцюзнина”
Дниська в Ужгородї ся удбыла скромна презентація другого числа журнала “Отцюзнина”, што ся выдає Обществом А.Духновича тай Русинськым Културолоґічным Клубом.
Помежи людьми, што прийшли, были в основному люди, што ся такой трудят над журналом: авторы, редакторы, и так дале.
Юра Шипович, головный редактор, похвалив проґрес журнала в поруняньови из спередущым номером: змінило ся місто, де ся печатат, тай быв приглашеный новый версталщик — Петро Біров.
Такой у рамках презентації анонсовали, што скоро світ увидит и вебсайт “Отцюзнины”, де будете годни увидїти шелиякі матеріалы, які не зайшли у журнал, тай просто почитати майлїпшоє из журнала, кидь не маєте шансу дӯстати си папірьовый ориґінал.
В общому ушытко йде на злїпшеня, з радостьов чекаву далшый выпуск.
