3 децембра на стіні адмінбудовы села Голубине Полянської сільської рады была встановлена памнятна табла на честь входженя края в состав Першої Чехословацької республікы под назвов «Подкарпатська Русь»

При отвореню таблы выступив Зварич Василь Васильович, замісник головы Полянської сільської рады, котрый розказав про ту файну тямку, котру наші люде сокотять про многоє доброго, што ся вчинило за «чехув»: розвой економікы, освіты й културы.
Латко Івана Степановича, голова Клуба Т.Г. Масарика у вариши Ужгороді розказав про тоты културні акції, проведені їх організаційов у сполопраці з русинськов сосполностьов: «Русин-Клубом» (голова Ю. Шипович) и Общество им. А.Духновича.
Після отвореня таблы, в самуй адмінбудові за участи науковцюв УжНУ пройшов Круглый стул, присяченый 135-рочу од дня рожденя Григорія Жатковича, першого губернатора Подкарпатської Руси, уродженця Голубиного. Модератором дійства выступив Михаил Зан, кандидат историчных наук, доцент УжНУ.
З першым докладом на тему «Я СВІТ УЗРІВ ПОД ЯСЕНІВКОВ», або історія родини Жатковичів в контексті історії краю та села Голубине кінця ХIХ – початку ХХ століття» выступив Микола Рішко, краєписець, житель с. Голубине.
Друга доповідь, котру представив кандидат историчных наук, доцент УжНУ Павел Худіш, называла ся «Григорій Жаткович та доля Підкарпатської Русі після Другої світової війни».
Третьым быв выступ кандидата историчных наук, екс-мера вариша Ужгород Еміла Ландовського на тему «Незабутні зустрічі у місті Корваллісі (США, штат Орегон) у 1992 році».
У обговоренях докладув участвовали Михаил Куцкір – член «Русин-Клуба»; Євген Жупан – голова НРРЗ; Юрій Продан – голова Общества им. А. Духновича; Ігор Пещак – замісник головы СО «Ужгородськоє общество словакув» й «Клуб Т.Г.Масарика у в.Ужгороді».

Залишити відповідь

Ваша e-mail адреса не оприлюднюватиметься. Обов’язкові поля позначені *