Науково-популярні тексти з газет, які друкувались в нашому краї в 1930-1944 роках: Из нашой исторіѣ Кто мы?
Из нашой исторіѣ Кто мы?
Мы подкарпатскѣ русины, карпатороссы и происходиме из великого славянского племени. Славяне жиють в Европѣ от непамятных времен и уже перед Христом заселили широкѣ пространства меже морем Балтійским и Адріею, меже Одрою и Доном.
По роду были индоевропейцѣ, так як келты, германы, литовцѣ, греки, италійцѣ, траки и азійскѣ арійцѣ.
Праотчина, передисторична колыска славян была за Карпатами там, где тепер городы Львов, Перемышль, Владимір Волинскій, Холм и Кіев. Теченіем времени славяне роздѣлилися на многѣ племена, что по географичному положенью можно роздѣлити на три группы: на западнѣ, южнѣ и восточнѣ славяне.
К западным славянам принадлежать: балтійскѣ, полабскѣ славяне, поляки, чехи, моравяне и словаки.
Одна часть славян перейшла через Карпаты и Дунай и поселилися при Адріятском морю. Тоты суть южнѣ славяне: болгаре, сербы, хорваты, словинцѣ.
До нынѣ, на старом мѣстѣ оставшѣ славяне называються восточными або руськими славянами.
В IX столѣтно- [тю] утворилася нова держава, котра называлася Русь и жителѣ той державы называли себе русскими або русинами. Головным городом быв Кіев, где жив найстаршій князь, а в прочих городах, як Перемышль, Холм, Владимір, Прер[Пере]яслав и Галич, жили и володѣли другѣ князѣ, члены одной русской родины.
Руськѣ племена появилися на южных склонах Карпат в VII и VIIII столѣтіях. Натиск печенѣгов, половцев и инших кочуючих народов причинили, что другѣ славяне уходили от них и скрывалися в карпатских горах.
Уже перед приходом угров (Мадяров) дѣйствительно жили славяне на области нынѣшной Подк. Руси. Но доказати, что тоты были в дѣйстности руськѣ, не возможно, потому что назва русскій, русин начинаеся употреблятися в историчных памятниках только в Х вѣку, а инших старинных историчных доказов не маеме.
Русины в их стародавной отчинѣ за Карпатами были скорше земледѣлцями, як горными пастырями и переселившися под Карпаты, насамперед поселилися на ровнинах, где уже жили близкѣ им булгарско-славянскѣ племена. Только позднѣйше почали селитися в горах.
В Семигородѣ, в Марамороши и на придунайской низинѣ жили русины вьедно с болгарско-славянскими племенами. Булгарскѣ племена прійшли к середньому Дунаю тоже из за Карпат, приняли славянску рѣчь, помѣшалися с тамошными славянами и передали им свое имя. Часть болгарских славян переселилися на Балканскій полуостров и там заосновали сильну булгарску державу.
Коли Симеон булгарскій царь розбив угров при нижньом Дунаю при Етелкузѣ, велика часть угров спаслася бѣгцем на запад, в Семигород, где тогды над руськими и болгарскими племенами володѣв князь Менумрод. Семигородскѣ русины перепровадили угров на ровнину, где мадяре там жиючих славян не небезпокоили, але жили с ними мирно, в федеративном союзѣ и перебрали от них цѣлое державное устройство и способы житья.
Друга часть пораженных угров под веденьем воеводы Арпада при рѣцѣ Путна утѣкали на сѣвер, переишли Карпаты коло Верецок, пустилися в долину и коло Ужгорода розбили войско Лаборца, котрый володѣв над болгаро-славянскими и руськими племенами. С тыми болгарскими племенами жили нашѣ предки довгое время в тѣсном и братском союзѣ. Еще и тепер находяться слѣды когдашных семигородских русинов в назвах гор и сел (Русьполяна, Небой, Загонь, Валаля, Коротно) и в поодиноких словах мадярских греко-католических сикулов (голошня и harisnya, грибы и hirib-gomba, смерек и szemerke, загуменки и záhony, чоботы и csobat-csizma, стрѣха и eszterhéj, гречка и haricska.) Семигородскѣ латинскѣ грамоты часто споминяють „бессинов“ (besenyők), под котрою назвою треба розумѣти русинов.
Ириней Контратович/Кондратович, (о. И. К.)
Недѣля, 6 октобра 1935
ВІКІПЕДІЯ
Ириней Кондратович (*18. марец 1881, Унгвар, Мадярске кральовство – †19. май 1957, Ужгород, Украина, CСCP) – священик, историк, писатель, новинарь, културный и церковный дѣятель Подкарпатской Руси.[1][2] Многы его биографы беруть му за зле, же знав ся приспособити до каждого режима, котры часто ся мѣняли в краю. Очевидно, же на практицѣ наповно ся дав вести тым постулатом Церкви, же всяка власть од Бога. По приходѣ Чехох привѣтствовав и хвалив нову демокрацию, зачав писати подля украинизованого нового правописа Ивана Панькевича, пропагованого Школскым рефератом. При «другых Мадярох» привѣтствовав навернѣня в лоно Святостефанской коруны, по «воззъеднаню» з «Совѣтами» участвовав в ликвидации Грекокатолицкой Церкви и «вернув ся» до православия.
