Русинська колядка від Юрія Шиповича
Искрить ся руздвляна звізда
В руках у дітвака.
Звенить колядка молода
Над білостьов сніжка.
Пуд вузор стали цімборы
И колядувуть з ним.
Из хыжі здрить ґазда старый,
Ги сивый херувим.
Ґаздыня в блюді колачі
Несе колядникам…
У нуч йсю двері без ключув
Удкрыті вшиткым нам.
Удкрыті и ворота в рай,
Ген там – на небесі!
Лем в співах Бога прославляй,
В души любов неси!
Одіті в гунькы дітвакы,
Обуті в постолы
Несуть сященні колядкы
В сесь вечур веселый.
Іван Петровці
