Степан Сікора про русинство на Підкарпатю в контексті різных історічных подій
В днешнім выданю представиме вам другу часть інтервю з русиньскым публіцістом, журналістом, блоґером і знамым політолоґом з Підкарпатя Степаном Сікором.
Продовжіме тематіку попередньой части о общім образі русинства на Підкарпатю в різных історічных епохах з погляду нашого респондента. А так само побісідуєме детайлніше о його приході до русиньского руху на Підкарпатю.
Ключовы темы інтервю:
- Русинство на Підкарпатю в контексті різных історічных подій
- Роль Степана Сікоры в русиньскім русі на Підкарпатю
- Медіалны проєкты Степана Сікоры
Степан Ілліч Сікора народив ся 24-го марца 1951-го року у селі Староє Давидково близко Мукачова на Підкарпатю. Середню освіту з здобыв в Перечині. Наслідно на высокошкольскы штудії пішов на Ужгородьску державну універзіту, на Катедру фізікы (рр. 1968 -1973).
По успішнім закінчіню штудій за професійов робив в Научно-бадательскім інштітуті в Мукачеві. Є кандідатом технічных наук. За совітьскых часів науковцьови приділили вызнаменаня Заслужений винахідник України.
На зачатку 2000-ых років быв ведучім одділіня внутрішньой політікы при Мукачівскій державній адміністрації. В роках 2002 – 2006 керовав выборчім штабом до Верьховной рады Україны народного депутата Віктора Балогы. Якраз в тот період свого жывота стрітив по першый раз ся з русиньскым рухом і познакомив ся з тогочасныма русиньскыма актівістами Підкарпатя.
Дале три рокы робив директора санаторії Перлина Карпат, пак вернув ся у державну службу як заступник головы Мукачівской державной адміністрації. В сучасности Степан Сікора є на пензії.
За 20 років журналістічной карьєры автор написав понад 500 публікацій на історічну, краєзнавчу ці політічну тематіку. Першы доробкы ся появили в пресі коли Степан Сікора почав робити як редактор в штотыжденній общественно-політічній україноязычній ґазеті Старий замок, котра ся публіковала у Мукачові од 1997-го до 2006-го року.
Бівше як 10 років веде свій властный блоґ. В році 2013 основав свій незалежный портал Фенікс-слово, де є шефредактором. За чісленны публікації о історії родного Підкарпатя в році 2020 дістав Мукачівску містьску премію імени А. Духновіча в номінації Літературознательство і публіцістіка.
Слухайте «Голосы Русинів Підкарпатя» в середу 2-го юна 2021 р. о 18.10 год. (19.10 год. к. ч.), або повторіня в суботу 5-го юна 2021 р. о 11.00 год. за русиньскым часом (12.00 год. к.ч.).
Народжена на Підкартатьскій Руси близько міста Мукачево. Од року 2015 штудує на Пряшівскій універзітї в рамках Інштітуту русиньского языка і културы в містї Пряшів. Є першов штудентков з Україны, котра успішно абсолвовала бакаларьскый штудійный проґрам – русиньскый язык і література. Остатнїй час активно ся занимать темов Русинів в США. Актуално веде проґрам «Голосы Русинів Підкарпатя» (середа, 18.10 год).
Контакт: karina@lem.fm
