15-18 септембра 2022 рока в Будапешті одбыла ся научна конференціїя «Cвітова русиністика днесь: вопросы теорії и практикы»
Подовж двох днюв 15 русиністув из Мадярщины, Словакії, Сербії, Украйины, и другых держав презентовали свої рефераты. Докладчикы ся ділили информаційов, што ся тыкала русинського языка, фолклора, народної идентіты, исторії.
Першоє засіданя, котроє проходило у Парламенті Мадярщины, отворив Др. Иштван Шімічко, предсїдатель фракції ХДНП у Парламентї, якый поздравив гостюв на мадярськуй земли й вінчовав їм серенчливу роботу. Віктор Крамаренко, предсїдатель Вседержавного Самосправованя Русинув Мадярщины такой пожадав хосна й серенчи учасникам конференції.
Др. Михаил Капраль, директор Русинського научного инстітута
имени Антонія Годинкы й організатор конференції, представив учасникув, вповів про ціль и задачі конференції.
З першым докладом на тему «Русиньскый язык на Словакії в контекстї змін у правилах правопису» выступила Кветослава Копорова (Словакія. Пряшовськый універзитет). За нив прочитали свої доклады Валерій Падяк (Словакія), Михал Павліч (Словакія), Юрій Шипович (Украйина), Михайло Фейса (Сербія), Юлія Дудашова (Словакія), Канаме Окано (Японія), Зденка Цітрякова (Словакія) і Томаш Калинич (Чехія, Шотландія).
Другый день засідань одбыв ся вже у будові Вседержавного Русинського Самосправованя. Туй выступили Маріанна Лявинец-Уґрин (Мадярщина), Ержейбет Бараньни Комарі (Украйина), Кіра Задоя (Німеччина), Михала Голубкова (Словакія), Ірина Сюч-Ворінка (Мадярщина). Заперав конференію Др. Михаил Капраль, акцентувучи позур на необходимости фуртошных комуніковань меже русиністами світу и мусайности фуртошної сполопраці меже ученыма держав, де жывуть карпаторусины.
Конференцію была проведена за фінансової подпоры Правителства Мадярщины, Вседержавного Русинського Самосправованя й Віры Ґіріц, посланика Русинув у Парламентї Мадярщины.
