У в. Ужгород пройшла VIІ меженародна научно-практична конференція «Формат розвитку відносин України та країн Центральної Європи у контексті російсько-української війни»

23 септембра 2022 рока у в. Ужгород пройшла VIІ меженародна научно-практична конференція «Формат розвитку відносин України та країн Центральної Європи у контексті російсько-української війни». Організаторами научного дійства выступили Департамент освіты й наукы, молодежи й спорта Закарпатської ОДА, Державный выщый научалный уряд «Ужгородськый націоналный універзитет», Факултет суспілных наук Факултет меженародных економічных односин, СО «Асоціація політологув й меженародникув УжНУ» НДІ політичної регіоналістикы УжНУ.
Рушив роботу конференції голова оргкомітету Юрій ОСТАПЕЦЬ, доктор політичных наук, декан факултета суспілных наук, ДВНЗ «Ужгородськый націоналный універзитет». Повінчовали учасникам конференції такой Микола ПАЛІНЧАК, професор, доктор політичных наук, декан факултета меженародных економічных односин ДВНЗ «Ужгородськый націоналный універзитет»; Мирослава ЛЕНДЬЕЛ, д. політ. н., професор, проректор з научно-педагогійної роботы; Маряна МАРУСИНЕЦЬ, директор департамента освіты й наукы, молодежи й спорта Закарпатської обласної войськової адміністрації; Д-р Томаш БЕЗЗЕГ, конзул Генералного конзулства Мадярщины у в. Ужгород; Лукаш ЛЕВКОВИЧ, доцент Люблінського універзитета им. М. Кюрі Склодовської (Полща), експерт полського Института Централної Європы; Анатолій КЛЮЧКОВИЧ, професор, доктор політичных наук, завідовател кафедры політології й державного управліня ДВНЗ «Ужгородськый націоналный універзитет».
На пленарному засіданю выступив Михайло ЗАН, к.и.н., доцент кафедры політології й державного управліня УжНУ з докладом «ДИСКУРС-АНАЛІЗ СОЦІАЛНОЇ ПЕРЦЕПЦІЇ ШИРОКОМАСШТАБНОГО ВТОРГНЕНЯ РОСІЇ В УКРАЇНУ В СЕРЕДОВИЩІ КАРПАТОРУСИНСЬКОЇ ГРОМАДСЬКОСТІ». У свому выступі Михаил Петрович вповів: «Вже з початку широкомасштабного вторгнення Російської Федерації в Україну серед карпаторусинської громадськості було засуджено агресивні воєнні дії східного «сусіда». Найпершими серед карпаторусинської громадськості відреагували Петро Медвідь (Словаччина), радіо Руської Бурси «LEM.FM», Інтернет-проєкт «rueportal» (Юрій Капац; Чехія), засновник «Rusyn Literature Society» Старік Поллок (США), очільник Народної Ради Русинов Закарпаття Євген Жупан в інтерв’ю Петру Медвідю. Дещо пізніше представники Світової Ради русинів солідаризувалися з народом України. Водночас вони й надалі наголошували на проблемі визнання карпатських русинів як національності (окремої етнічної групи) на офіційному рівні».
На секційних засіданьох конференції голова «Русин-Клуба» Юрій Шипович (вєдно з Юрієм Проданом, головов Закарпатського обласного научно-културологічного Общества им. О. Духновича) такой выступив з докладом на тему «Російсько-української війни у сучасній карпаторусинській літературі». У кунци выступа докладчик подитожив: «Отже, ми зробили лише поверхневий аналіз творів карпаторусинської літератури на тему сьогоднішньої російської агресії в Україні. Ці твори доказують, що русинська література живе, вона модерна й не відірвана від потреб сьогодення».
На перерві меже засіданями гості конференції – головы русинськых сосполных організацій – нащивили одділ «Карпатика» Научної бібліотекы Ужгородського націоналного універзитета й передали у подарок дакулко книжок з русинськыма народныма приказками авторства Марії Білак.

Залишити відповідь

Ваша e-mail адреса не оприлюднюватиметься. Обов’язкові поля позначені *