Леся Адамова Стецович. ДОЛИНА НАРЦИСІВ (русинська поезія)
А Вы уже были в Долині нарцисів?
Вы віділи ту білосніжну красу,
Што є межи ріками Хустець і Тиса,
Што зберать веснôв із небес всю росу?
Там ярь покровиць з трав зоткала,
На ньому ýшыла біленькі чічочкы,
У звур Кіреші ніжно го поклала:
Чічкы білівуться, ги в небі звіздочкы!
Цілоє поле у молочному тумані
Із дикых, білосніжных і малых косиць.
Емоції купавуться, ги в океані
Із позитиву – щастя без границь!
У давных римлян – чічка перемоги!
В культурі греку- смуток йсе і смирть…
Кіть в Закарпаття Вас ведуть дороги,
Заїдьте у Долину- там цвітуть тепирь !
Леся Адамова Стецович. май, 2022
