Леся Стецович (днесь Адамова). КАРПАТЫ (русинська поезія)

КАРПАТЫ
Но, та як не прославляти
Префайні Карпáты?!
Кедь вто рýдный
Край Сріберный-
Земля благодáти!
Вóнка ýйдеш – вíхор вíє,
Пóтятка щебéчуть,
Крáсна ярь вже цвітом сíє,
Вóды в рíках течуть.
Полонины щи білéнькі,
Вершкы зеленівуть,
Чічочкы всягды файнéнькі
Нас на сéрцю грівуть!
Вшитко милоє в Карпáтах
Туй души розрáда,
Бо де ýросла людина –
Там она є рáда!
Там Отцюзнины порóгы,
Пішáчкы и путі,
Дíтські бíгали там нóги,
В топáночкы вбýті.
У Карпáтах чистый áер,
Легкый и фрішнíшый,
Так ги в молóдої шлáєр-
Бо наш, бо май лíпшый!
Як Карпáты не любити?
Як не прославляти?
Отчый Край – про се тямити
Й в серцю го плекáти!
sobota 17. dubna 2021 5:15

Леся Стецович (днесь Адамова) родила ся 7 януара 1974 року в селі Павлово Свалявського району. Закончила Плосковську ЗОШ.  В школі участвовала в конкурсах, олімпіадах и концертах.
На зачатку 1995 року выїхала в Чехію, де на днесь має постоянноє місто проживаня, жиє у вариши Брно. Мати трьох дітий. Гражданка Чеської Республікы.


В роци 2017 выдала зборник поезій “Перегортаючи сторінки щоденника”, у якум стихы написані на четырьох языках:
русинському, украйинському, русскому, чеському.

На тексты восьмох стихув сього зборника написано мелодії (4 по-русинськы и 4 по-украйинськы). Печатала ся у журналі «Отцюзнина» й передньих «Алманахах днешньої русинської літературы».
В маю 2021 рока поетеса выпустила наднесь пуслідну свою книгу — великый зборник поезій «Мамины чічкы (2017-2020)», а теперь готовить до печатаня шорову
творчу роботу.
Леся фурт пише й робить над поліпшеньом свого поетичного майстерства.

Залишити відповідь

Ваша e-mail адреса не оприлюднюватиметься. Обов’язкові поля позначені *