ИМНЯ ЕДЕ ЕГАНА НА ПОДКАРПАТЮ ТЯМЛЯТЬ И ЧЕСТУВУТЬ
16 юлія в конференц-залови Центра култур націоналных меншин Закарпатя одбыв ся Круглый стул на тему: «Верховинська акція»: предисторія, резултаты; єї одлуння у часі», приуроченый 170-рочу рожденя мадярського політика й державного діятеля Еде Егана.
Організатори дійства:
– Закарпатськоє обласноє научно-културологічноє общество имені А.Духновича (голова Юрій Продан);
– Обласный рокаш сосполных організацій “Народна Рада Русинов Закарпаття” (голова Євген Жупан);
– Сосполна організація “Русинськый културологічный клуб” (голова Юрій Шипович);
– Сосполна організація «Благодійный фонд им. Е.Егана» (голова Павел Чучка).
Про житя, діятелность Едмунда (Еде) Егана (1851 – 1901 р.р.) економіста, высшого чиновника мадярського міністерства газдувства; изглядателя економічного положеня русинув и автора програмы «Верховинська акція», ціль котрої была поліпшити економічный стан русинув, учасникув Круглого стола в онлайн-режимі проинформовав директор НДІ им. А.Годинкы Михаил Капраль (Мадярщина).
З доповідьов «Депутатськый меморандум штодо защиты прав «рутеноязычного народа, котрый проживать у Сіверно-Восточных Карпатах» як передумова «Верховинської акції» Едмунда Егана» выступив Михаил Зан, член «Русинського културологічного клуба», доцент УжНУ.
Про позур чеського писателя Ивана Олбрахта и героюв його творув – жидувськых махлярув на поставы Еде Егана, Міклоша Барты и саму «Верховинську акцію» розказав Юрій Шипович, голова «Русин-Клуба».
Павел Чучка, голова Сосполної організації «Благодійный фонд имени Е.Егана», проинформовав учасникув Круглого стола из діятелностьов його фонда, а такой розказав про исторію встановленя памнятника Еде Егану на містови трагедії.
В обговорені темы Круглого стола такой участвовали Михаил Куцкір, Євген Жупан и Юрій Продан. Учасникы Круглого столу констатовали, што «Верховинська акція» лишила глыбоку сліду в исторії Подкарпатя и мож повісти сміло, же які бы не были цілі єї автора – силу й ефективность ї признали й тоты, проти кого она была направлена. И через тридцять рокув русины тямили Егана ги «спасителя русинського народа», а обезкровлені жидувські махлярі ненавиділи го, айбо честовали. Было подкреслено, што паразитноє жидувськоє махлярство по «Верховинськуй акції» нигда вже так и не стало на тверді ногы, так и не поновило ся.
Після запертя Круглого стола його учасникы поклали косиці до памнятника Еде Егану пиля с.Барвінок.
Юлія Шипович
