Науково-популярні тексти з газет, які друкувались в нашому краї в 1930-1944 роках: От коли бываеме мы в Карпатах и под Карпатами?
От коли бываеме мы в Карпатах и под Карпатами?
На сей вопрос историки не дають нам однообразного отвѣта. Одн‰ твердять, что русины туй бывали уже перед приходом угров, другѣ кажуть, что прийшли разом с уграми, знов третѣ суть того мнѣнія, что русины заселилися на Подк. Русь о много позднѣйше.
Перед приходом угров Подкарп. Русь лиш слабо была заселена. Однак не было[а] цѣлком безлюдна, бо переходили сюда руськѣ племена из Закарпатья.
Письменнѣ памятники говорять, что за Карпатами (за Бабиною горою) жили руськѣ племена. Константин Багрянородный, грецкій царь писав около 950 рока, что за Бабиною горою, где перед тым жили хорваты, жіють руськѣ племена: лемки и бойки.
В 1007 року св. Бруно, котрый меже восточными народами Европы проповѣдав христіянську в‰ру, писав нѣмецькому королю Генрику II, что старшина русинов выпровадила его с своим войском аж до конця своей краины, до ворот, котрѣ стояли на великом и сильном плотѣ, хороняючом краину от непріятелей. Если же за Карпатами жили руськѣ племена, навѣрно приходили и заселили они и южну сторону Карпат, т. е. и нашу область.
Руськое населенье под первыми королями Арпадовой династіи убольшалося. Где котрѣ угорскѣ королѣ (Коломан, Гейза, Бейла) и княз‰ (Андрей, Леонтин, Стефан) оженилися с закарп. руськими княгинями и як сродники замѣшалися и до спорных дѣл галицких князей.
Часто ишли походом на Галицку Русь и по сих походах прийшли с угорским войском и галицкі русины, котрѣ поселилися в шаришской жупѣ, також и в Земплинѣ при рѣках Ондава и Лаборець, коло тых перелазов, через котрѣ переходили до Галичины. Многѣ из сих русинов, як королевскѣ слуги розселилися по всей Угорщинѣ, або зостали в королевском дворѣ як ловецкій персонал.
Азійскѣ татарскѣ орды послѣ спустошенья Галицкой Руси, весною года 1241 через „руські ворота“ (Верецки) напали и на Подкарпатье и все опустошили.
Руськое обывательство под Карпатами майже цѣлком счезло. Стараньем короля Бейлы IV поселилися на лучших мѣстах Подк. Руси нѣмецкѣ колонисты (Вышкое, Довгое Поле, Хуст, Тячево, Берегово, Н‰мецкое, Поруба, Пряшев, Бардіово), а на горших мѣстах русины. Отбылося то легко, бо Ростислав, сын черниговского князя Михаила, одружився с Анною, донькою короля Бейлы и як частку с нею получив замок Физер в Земплинѣ с селами Вышнево и Орѣхово в окрузѣ Лесны, где по словам одной старой грамоты лежать „руськѣ гробы“.
Густѣ, непроходимѣ лѣснѣ горы нашой Верховины были королевским маетком. Сѣ слабо залюдненѣ мѣста угорскѣ королѣ подаровали в другой половинѣ XIII вѣка монашеским чинам, духовным и свѣтским магнатам
и таким образом появилися „панства“, доминіи. Такѣ доминіи были в Шароши: Маковицка и Зборовска; в Земплинѣ: Стропковска, Чичавска и Гуменянска; в Ужанскойжупѣ: Ужгородска, Горянска; в Берегу: Мукачевска и Чинадьевска; в Марамороши: Густска и Бочковска.
О заселенью тых безлюдных мѣст постаралися землевладѣльцѣ таким способом, что договорилися с так званными шолтисами, кенезами, котрѣ обовязалися привести поселенцев крѣпостных т. зв. „крѣпаков“ с
тым, чтобы тѣ вырубали лѣсы, хащѣ и строили хижѣ.
Понеже от востока волохи, от запада словаки, от юга мадяре были нашими сусѣдами, кенезы новых поселенцев могли лиш из за Карпат привести. Тѣ крѣпаки панам своим за 12 лѣт ничого не мали платити и лиш коли село было уже готовое, довжні были платити „панщину“, т. е. десяту часть урожаю и „роботу“ кончити. Землевладѣльцѣ радо принимали из Закарпатья приходячих руських роботников, а русины, хотя и были крѣпаками, найшли на Подк. Руси мир, спокой и свободное житье.
Повинности супротив панов легко сповнили, бо было из чого дати, достав свою часть и пан и крѣпакови зостало доста.
Исторія кождого села починала договорным листом с кенезом (кенезскій лист). Из сих договоров видно, что массовое заселенье у нас началося только в XIV-ом вѣку и продовжалося до первых десятолѣтій ХVII-го вѣка (1600―1625). Заселенье почалося от запада от Спиша и продовжалося на восток через Шариш до западной части Земплина, где обывательство было найгустѣйшое.
На восточной части Земплина, в ужанской и бережской жупах обывательство было рѣдко и много сел повстало лиш в ХVII вѣку.
В урбарских регистрах часто видно, что где котрѣ села як быстро повстали, так скоро и счезли. Русины знали, что в протягу 12 лѣт они не повиннѣ платити податок и зато послѣ 12 лѣт просто перейшли в другое панство, чтобы ничого не платили за 12 лѣт. Против таких хитрых, бродячих русинов от другой половины ХVI.-го вѣка были выданѣ строгѣ законы, котрѣ обовязали их жити постоянно в селах, ними збудованных. Однак се вандрованье русинов перестало лиш от XVIII.-го вѣка.
Ириней Контратович/Кондратович, (о. И. К.)
Недѣля, 13 октобра 1935
Попередні публікації на дану тему читайте:
