Они прославили русинськый народ. Василь Кукольник – учений-іммігрант из трагічнов судьбов

Говорячи про судьбы русинськых ученых, котрі у 19 ст. перебрали ся жыти и робити у Росію, не мож не памнянути Василя Кукольника, чоловіка из академічны знанями, кума царя АлександраІ.
Василь Кукольник ся родив 30 януара 1765 рока у Мукачові (тудошня Австрійська імперія). За дакотрыма досліженями вун походив из стариного карпато-русинського дворянского рода, предкы котрого мали княжеськый титул, утраченый при переслідуванях уніатув из боку езуїтув. Айбо се лем гіпотеза. Бо про дворянськоє сословіє у русинув говорити тяжко. Бизувно, у Росіі Кукольник назвав ся дворянином діла булшоі важности (ги то зробив мало пузніше Ю.Гуца-Венелін).
Будущый будитель закончил курс наук в Лемберзькуй академиі, по чому муг выкладати на дакулькых кафедрах : Права, Исторіі, Математикы, Політичеськых наук, любого из древньых и многых новых языков и літератур.
У 1803—1804 рр. Кукольник выдав на польському языкови дві роботы: “Dzieło Ekonomiczne”, 5 ч. г. и “Dziennik Ekonoraiczny”, 12 ч. Ги професор Замостського ліцея, В. Кукольник в 1803 рокови быв выписаный из Австриі Н.Новосильцевым, по наговорови И.Орлая, в Петербург діла возглавленя кафедры Римского права в Педагогійный институт (товды ищи – Учительську гимназію). Айбо кафедра уже была занята, и вун ся согласив выкладати на кафедрі Опытноі фізикы, так як ошколованя го было універсальным. Кукольник такой выкладав хімію, технологію и агрономію.
З 1805 рока Василь Григорович читав Римськоє право у Высшому Училищі Правоведеня, фізику и право на публічных курсах діла гражданскых чиновникув, римськоє и приватноє російськоє право в Главному Педагогійному институті.
Кукольник выкладав подовж чотирьох рокув (из 20 апреля 1813 до 1 юнія 1817 р.) римськоє и гражданськоє російськоє право Великым Князям Николаю Павловичу (будущому імператорови Николаю I) и Михаілу Павловичу.
Діятельность Кукольника выходила далеко за рамкы педагогійної роботы. В 1814 рокови Кукольник быв назначеный членом Департамента Комерц-Колегиі. Туй вун в ролі визитатора перепозірував учебникы, казенні и приватні заклады, спочатку у Санкт-Петербургови, а потому у Псковськуй губерніі(1815). В 1817 рокови вун быв назначеный совітником Правліня Главного Педагогійного Института, де два разы до того уже директорував, такой быв членом комісіі по ушорюваню російськых законув.
У письмови А. Голіцынови од 13 юнія 1817 рока В. Кукольник писал про свою научно-літературну діятельность: «Недостаток на Российском языке учебных книг по преподаванным мною предметам, и от того происходившие затруднения в произведении желаемых успехов в науках, побудили меня принять на себя труд составить и издать таковые руководства по наукам Сельского Домоводства, равно как и по правам Римскому и Российскому Гражданскому. Оныя сочинения довольно известны не только Правительству, но и всему Государству, и удостоены принятия Министерством Народного Просвещения в исключительное его распоряжение для употребления их в учебных заведениях Империи».
Из одкритям Петербурзького універзитета в 1819 рокови юридичеськым наукам в ньому было обведено дві кафедры – Прав Общых и Положительных. Кукольник возглавив послідню кафедру, включавучу Римськоє и Російськоє право (кримінальноє и гражданськоє).
Кроме вышеупомнянутых двох выдань на польскому языкови, В. Г. Кукольник напечатав ищи в Петербургови: “Курс хозяйственных сведений”, 12 книг (1805р.), “Экономический журнал”, 3 части (1807р.), “Начальные основания сельского домоводства” (1810 и 1816рр.), “Начальные основания римского гражданского права” (1810р.), “Начальные основания российского частного права”, (1813 р.), “Российское частное гражданское право”, 2 ч. (1815 и 1818рр.), “Руководство к преподаванию римского права”, 2 ч. (1821р.).
На первуй Конференциі в Санкт-Петербурзькому універзитетови по выборам ректора, В.Кукольник являв ся первым кандидатом на сю должность. «В день, назначенный для избрания ректора, Василий Григорьевич в заключении речи, по этому случаю произнесенной, впред поблагодарив тех, которые бы, по расположению своему, вздумали дать на него свой избирательный голос, объявил, что дело уже кончено, и он в Петербурге ни в каком случае не остается».
В 1820 рокови Василь Григорович отказав ся од професуры и переселив ся в Ніжин, де возглавив Гимназію Высшых наук князя Безбородька – нового, шыроко задуманого школьного заклада из енциклопедичнов програмов. Ся перша програма была розроблена и хоснована именно Кукольником.
Ученикы у гимназію принимали ся од 9 до 11 рокув. Курс выкладаня – 9 рокув, розділяв ся на три періоды и каждый період на три ручных класы. Програма была доста разнообразнов, включала языки древні и нові, историчеські, точні и етико-політичеські наукы. Последні выкладали ся на третьому периодови: в семому класі: логіка, філософія, право, исторія, читаня Св. Иоанна Златоуста и Амвросія Медиоланського, геометричеська копійовка місности; в восьмому – народноє и державноє газдувство, исторія и догма римського права, фізика и артилерія; в девятому – російскоє гражданськоє и кримінальноє право и практичеськоє судопроизводство, Литовськый статут, фізика и фортифікація.
У споминах знамого ученого П. Г. Редкина (будущого ректора імператорського Санкт-Петербурзького универзитета), воспитаника Ніжинской гимназиі, час директоруваня Кукольника постає «в самом розовом свете». Кукольник приучував ученикув «к собственному своему семейству, проводя с ними неотлучно все часы дня… Частыми беседами своими, исполненными отеческой внимательности, нежности, дружеской простоты, педагогической опытности, живой занимательности, обширной учености, плодотворной образованности, он очищал чувствования, развивал ум, смягчал сердце и укреплял волю питомцев своих, направляя их ко всему прекрасному, истинному, высокому и доброму».
Выкладав Василь Кукольник в Ліцеі спочатку єден из помочув свого сына Платона (в будущому – доктор права, заслуженого професора Виленського универзитета) . Из петербурзькых професорув, котрых Кукольник покликав на роботу в гимназію, многі ся отказали. «Это был первый и слишком чувствительный удар добросовестному педагогу. Надежды – разом были уничтожены; средства – отняты; к тому присоединилась тяжкая скука ученого, совершенно изолированного, потому что не только общество, но и те, которые должны были служить ему помощниками, не могли вполне понимать видов его, разделять его мысли и чувства, и тоска – слишком скоро потрясла чувствительный организм. Он впал в гипохондрию, быстро и неотразимо увлекшую его в преждевременную могилу», – так писав Нестор Васильович Кукольник (драматург, поет, белетрист, творы котрого были популярними в 1830 – 1840-х роках) у споминках про свого отця. При всюй своюй любови до нового діла, Кукольник не выдержав одрива од Петербурга, де ся обстали його універзитетські цімборы. 6 фебруара 1821 рока В. Кукольник совершив акт суіцида –увер ся из оболока третього емелета. Йому было лем 56 рокув…
Похороненый Василь Григорович у Ніжинскому монастырьови, по настаюваню єдинственного у Ніжине його друга – архимандрита Віктора. «Дело о смерти Василия Кукольника» в архівах было зничтожено.
Будучи карпаторусином, Кукольник вірно служив туй отцюзнині , котра го прихистила, дала му роботу и хліб: «Посвятив большую часть моей жизни на службу сему Государству, и приближаясь уже к преклонности лет, зная при том происхождение предков моих от знаменитой некогда отрасли великого Российского народа, возжелал я и постановил избрать навсегда Россию отечеством для себя и для своего потомства…».

Залишити відповідь

Ваша e-mail адреса не оприлюднюватиметься. Обов’язкові поля позначені *