Неділя, 16 лютого 2020 20:00

Юрій Шипович: Выйшла нова передача такої нетрібної, пустої и неваловшної (за А.Любков) «Русинської родины» про популарный не лем в краю, ай по вшиткуй Украйині муз-рокаш «Вандор» (відео)

Юрій Шипович: Выйшла нова передача такої нетрібної, пустої и неваловшної (за А.Любков) «Русинської родины» про популарный не лем в краю, ай по вшиткуй Украйині муз-рокаш «Вандор» (відео)
Трафив ми на очи вчора пост поета Андрія Любкы на ФБ од 14.02.20, де тот просить заперти «Русинську родину» ги май великоє зло у світі:

«Фактично мова про те, що держава за бюджетні кошти фінансує створення квазі-сепаратистського продукту і камуфлює це під виглядом "національної меншини"». Не маву слов, абы выразити свої емоції, штодо шора мерзенных заяв сього юного писаря. Но добре, намітувуть ся на русинув галицькі пришляки - їх позиція ясна: сокотять своє пространство, котроє, ги они рахувуть, «одвойовали» на нашуй земли. Нитко з них не хоче одказувати ся од домінованя и матеріалных благ на Подкарпатю. Сокотять тоты блага од нас же з подпоров таких же ренегатув ги Любка, Гаврош и другі. Но маніякално-одержима позиція тих, тко ся туй родив и вырос, вызывать тошноту: накулко треба презирати своє, абы пробувати го закопати на стометрову глыбину?..
Коли зайшов им на сторінку Андрія Любкы, то нараз вбернувим позур на книжкы Федора Потушняка и критичну літературу што до його персоны. Вшиткі з бібліотечныма номерами. 27 фебруара Потушняку буде 110 рокув, тому и проходить Любка лікбез, абы вповісти штось штодо ювіляра. А вто, што творы Потушняка, Томчанія, Долгоша, Комлошія, Маркуша, Демяна, Жупана и ищи пару десяткув префайных нашых писателюв не перепечатувуть ся вже давно, не є му діла. Так як з 70-х годув того віка не выходили в світ закарпатські легенды и казкы. Тому и найти мож їх у бібліотеках старыма и потертыма. Зато за державні гроші печатавуть членув и члених Закарпатської обласної організації НСПУ, творы котрых нитко не читать. А кедь десь и читать, то через мусай. И премію Потушняка за шором лем они дуставуть.
О туй и вартовало бы поговорити про гроші платникув податкув.

Позерайте новый епізод «Русинськōї родины» з 15. фебруара 2020. Гōлōвні герōї выпуска – музикалный рокаш Vandor. 

Ани єден гудак муз-банды Vandor не є русином, айбо вшиткі співавуть и пробовуть бесідовати по-русинськы. Галичане-пришляки мали бы вчити ся од сьых фатьовув , а ренегатам-калаборантам мало быти ганьба!

Юрий Шипович

Медіа

Оцініть матеріал!
(1 Голосували)


Переглядів: 207

Авторизуйтесь, щоб мати можливість залишати коментарі

Нагадуємо Вам, що редакція видання не несе відповідальності за зміст матеріалів, які розміщені користувачами сайту.
Реклама