Неділя, 20 січня 2019 19:19

ВОЛОДИМИР РОШКО. ПАСÔЛЯ З КВАСНÔВ КАПУСТÔВ (карпаторусинська поезія)

ВОЛОДИМИР РОШКО. ПАСÔЛЯ З КВАСНÔВ КАПУСТÔВ (карпаторусинська поезія)
Для українця милий борщ з куркою, а для руснака пасоля з капустою. На розсуд читача подаємо черговий вірш відомого русинського поета Володимира Рошка, лауреата премії імені Івана Петровція.

 

Нись на рốзум ми прийшло́,

Бы в горчко́ви ся найшло́

То, што лю́биме, русна́ки.

То, што нам паде́ до дя́ки.

Із капу́стôв то пасốля,

Гі керни́чка се́ред пốля

У спраго́ту нас напо́йить,

Картинки по запросу квасоля з капустою

Руснако́ви го́лод го́йить.

Кіть у туй іще́ пасо́ли

І попри́ґа, до́ста со́ли,

Най бы у нюй походи́ла

Свіня́, што ся закури́ла.

Лі́пшої не на́йдеш стра́вы

Од Ра́хова, до Мора́вы.

Лі́пшого я ще не ї́в,

Ко поку́шав, тот умлі́в.

Смак таки́й, гі у райо́ви.

За́пражка на улайо́ви.

Па́хне, мош вôнь удурі́ти,

Се́рбавуть ста́рі і ді́ти.

Пуд кліп во́ка денце́ ви́дко,

Нич не пста́не, пу́йде вшы́тко.

И́стино русна́цька стра́ва,

Про моло́тника – заба́ва.

Сы́тый буде́ш, до́бра дя́ка

 

Не втіче́, хôть во́нка мря́ка.

Ка́ждый день бы’м їв пасốлю

Із капу́стôв, мно́го, ввốлю.

Пốвный най буде́ горни́ць,

За́чнеш ї́сти – ту кони́ць.

Ву́спелаєся до ця́тки,

В про́стый день, а вадь у ся́тки.

Картинки по запросу квасоля з капустою

Ло́жку за ньов мош прумкну́ти,

Лем бы ся дала́ зогну́ти.

Бо не пру́йде у герта́нку,

Гі моты́ка у топа́нку.

Як ізі́сть русна́к пасốлю,

Пережы́є і недốлю.

А роби́ти як біру́є,

Зві́рьську си́лу в сốбі чу́є.

Ра́дуємеся пасо́ли

Із капу́стôв, бо нико́ли

Із бідốв нас не лиша́ла,

Годова́ла, си́лу да́ла.

Хốчу лем іще́ пуві́сти,

Ма́йбетярьсько дасть ся їсти

Не з соло́дкôв, а з кваснốв

Капу́сточков дорогốв.

На здоровля!

 

Володимир Рошко

2019

 

 

Оцініть матеріал!
(3 голосів)


Переглядів: 438

Авторизуйтесь, щоб мати можливість залишати коментарі

Нагадуємо Вам, що редакція видання не несе відповідальності за зміст матеріалів, які розміщені користувачами сайту.
Реклама