Понеділок, 10 вересня 2018 13:54

Сергій Тудовші: Всього світа буде мало замість рӱдної земли

Сергій Тудовші: Всього світа буде мало замість рӱдної земли
9 юлія 2017 года в селі Велятино Хустського района одбыв ся творчеськый вечӱр молодого русинського поета Сергія Тудовші.

 

Сергій вже фест рокӱв є зароботчанином на Росії, айбо тямить и честує свою Отцюзнину - домӱв, у Велятино, тягне го фурт.

И днесь, після чотирьохрӱчної розлукы, Сергій - дома. Теперь, як уже доста знамный русинськый поет, вӱн надумав вчинити у себе на малӱй отцюзнині творчеськый вечӱр, куда скликав братӱв-русинӱв из вшиткого Подкарпатя.

Творчеськый вечӱр зачав ся позванкôв, котру мож было прочитати на сторінци Сергія Тудовші у Фейсбуці : «Честованiодносельчане! Прошу Вас та й гостю нашого села, а ще й усiх, кому ся любит НАША БЕСIДА... Прийти в недiлю (по вечурни) в 16-00. По отрецови: Шаянська 33 (пiцерiя) та посидиме...так, по нашому, а я ся призмагаю, обы Вам было интересно. З повагов до Вас, С. Тудовшi»

И як было не прийти?  

На творчеському вечорі молодого поета зобрало ся фест єдносельцюви гостюв. Молодому поетови гратулювали: Микола Бобинець – член Світової Рады Русинӱв, голова крайового общества русинӱв, Юрій Продан – голова културологічного общества имени А. Духновича, Степан Сікора - керовник СО «Русинськый край», шеф-редактор интернет-выданя «Фенікс слово», Роман Пищальник – член Президії Народної рады русинӱв, русинськый поет, Михаил Град – голова «Спілкы русинськых писателюв», Иван Бинячовський (Бузаш) – русинськый поет, прозаїк и другі.

Вечӱр зачав ся из знакового стиха Сергія:

 

 

ГОРЖУСЯ

Гордый им за своє имня,

Гордый им за свӱй народ,

За русинськоє коріня

За Русинськый Славный Род.

Як бы што ся не міняло,

Тко бы што не говорив,

Всього світа буде мало

Замість рӱдної земли.

 

Курто, душевно и талантливо!

 Двохгодинна стріча пройшла на єдному надрыві. Свої стихы читав Сергій Тудовші, Иван Бинячовський, Роман Пищальник, Михаил Град. Звучали и русинські фіглі, проза. Самодіялный колектив русинської співанкы из Онока Виноградовського района поздоровив молодого поета нашôв народнôв пісньôв.

 

Русинські поети: Иван Бинячовський (Бузаш), Сергій Тудовші,  Роман Пищальник

Михаил Град вручив Сергію Тудовші посвідченя члена Спілкы подкарпатськых писателюв. Творчеськый вечӱр  Сергія Тудовші вдав ся. Вірить ся, што, не обзеравучи ся на вшилякі перепоны, нашоє народноє слово жиє и буде жити.

Велика честь нянькови и мамці Сергія!

Степан Сікора

Фото Романа Пищальника

Отцюзнина, 4(6) 2017

Оцініть матеріал!
(0 голосів)


Переглядів: 137

Авторизуйтесь, щоб мати можливість залишати коментарі

Нагадуємо Вам, що редакція видання не несе відповідальності за зміст матеріалів, які розміщені користувачами сайту.
Реклама