Неділя, 12 серпня 2018 18:22

Володимир Рошко. Руснак у Празі (русинська поезія)

Володимир Рошко. Руснак у Празі (русинська поезія)
Есклюзивна публікація гумористичного вірша (стиха) "Руснак у Празі"  відомого русинського поета Володимира Рошка. Вірш про нелегку долю русинських заробітчан.

 

 

Ву́ходив пашпо́рт Іва́н,

Чий не дốкус вун бара́н.

З цімбора́ми вôнь у Пра́гу,

Се не пи́ти в селі́ збря́гу.

Із бріґа́дôв будова́ти,

Че́хом жы́ти помага́ти.

Хốче там іти́ роби́ти,

Бы муг фа́єн зароби́ти.

Картинки по запросу заробітчани у празі

В ґаті заби́в, гріх каза́ти,

Ціґаре́тлі. Не прода́ти.

Бы мав што субі́ кури́ти.

В Пра́гу їх не мош вози́ти.

Пốвну та́шку солони́ны,

Там захпа́в ще дві хліби́ны.

На шта́цію поцубри́в,

Бы на Че́хох сы́то жы́в.

Ве́чур у автốбус сі́ли,

І на Пра́гу пôтрубі́ли.

Цілу́ нуч ішли́ п’ючи́,

Бо в пути́ не мош лячи́.

Ра́но. Пра́га про русна́ку –

Надняла́ їм ма́ло дя́ку.

На Пала́цкего зыйшли́,

Ще до тя́мы не прийшли́.

За́спані, ташки́ втіга́вуть,

Сеґиня́та позіха́вуть.

Пи́во ду́же їм хіби́ть,

Су́шить так, што вôнь боли́ть.

Хôть лем во́ды бы прумкну́ти,

Бы ся лі́пше бы́ло чу́ти.

Ра́но, ще бôвты́ замкне́ні,

На́ші хлốпці вôнь зеле́ні.

Пока́зія, што роби́ти?

Фест Янча́ корти́ть кури́ти.

Ціґаре́тлик в рот заби́в,

Шва́бликом го запали́в.

Шва́блик шпі́лкнув, дым потя́г,

Фа́йну дя́ку вôнь розпря́г.

Сма́чно плю́нув пôпу́д но́ги…

“Па́не” – Наросли́ му ро́ги.

Поліца́йт, та гі сула́к,

Спе́ред ним. Іван укля́к.

“Є то заказа́не, па́не.”

Туй кони́ць тубі, Іва́не.

Шва́блик, плю́нув, закури́в…

По́куту – то штраф іми́в.

Лу́пкать вôчми́ – де ся взя́в?

Поліца́йт, бы ся закля́в.

Іван шу́пать по жебо́х,

’Д га́ньбы ско́рше бы іздо́х.

Два́сто гри́вню вун уті́гать,

Поліца́йт на ні наті́гать.

Такі́ грốші вун не зна́є,

І у банк ’го заганя́є.

Се́ґинь, Іва́н, вôнь упрі́в,

На́рас змок і зчервіні́в.

У кору́нах – сім тіся́чок,

Гі в гузи́цю и́йзірь дра́чок.

Блок-квіта́нцію му да́в,

Ще по-че́ськи штось каза́в…

Сто́йить Іва́н, гі сула́к,

Зароби́в нись, небора́к.

Ку́ріня – то п’ять тіся́чок,

По янну́й за сли́ну, шпа́чок.

Закляла́ бы ся і Пра́га,

Лі́пше до́ма тота́ збря́га.

Най ’го пу́б’є сю робо́ту,

У село́, думу́, в жебро́ту.

У́жгород мош заплюва́ти.

Ко т’ти што буде́ каза́ти?

Нами́чь в це́нтрі гору́ шпа́чку,

Потвốряться гі на ма́чку.

Ще не встиг і зароби́ти,

А уже́к му́сай плати́ти.

Но, ци не чунна́ Євро́па?

Не про на́шого то хло́па.

Зачина́вуть так русна́ки,

Як на Че́хи ци Слова́ки

Пу́йдуть грốші зароби́ти.

Ту ся и́ншак звы́кло жы́ти.

Не там путь ’ісь перейшốв,

Та́куй’ісь біду́ найшốв.

За трамва́й не заплати́в –

Штраф. Бысь му́дро не ходи́в.

То ще нич, біда́ нау́чить,

Спе́ршу ся русна́к наму́чить.

Звы́кне, дя́ку ще й дуста́не,

Так, што жы́ти ту опста́не.

В до́брôму дубрі́ ся ма́є,

Ро́бить і не наріка́є.

На́вчиться то честова́ти,

Чо́му звык спе́ршу зала́ти.

Картинки по запросу русини у празі на заробітках

Іва́н в Пра́гу лем ступи́в,

Та́куй по́куту іми́в.

Фа́йна се вошко́ла бы́ла,

Жы́ти в Пра́зі научи́ла.

Кіть зако́н ту решпекту́єш,

Гі у вốді ры́ба чу́єш.

Пороби́в і зароби́в,

Іва́н Пра́гу полюби́в.

26 юлія 2018. Володимир Рошко

Оцініть матеріал!
(0 голосів)


Переглядів: 258

Авторизуйтесь, щоб мати можливість залишати коментарі

Нагадуємо Вам, що редакція видання не несе відповідальності за зміст матеріалів, які розміщені користувачами сайту.
Реклама