Понеділок, 02 грудня 2019 16:18

ІҐОРЬ КЕРЧА – ГÓРДОСТЬ РУСИНСЬКÓЇ ЛЕКСИКОҐРАФІЇ, ЛІТЕРАТУРЫ И ТОВМАЦЬКÓЇ ШКОЛЫ

ІҐОРЬ КЕРЧА – ГÓРДОСТЬ РУСИНСЬКÓЇ ЛЕКСИКОҐРАФІЇ, ЛІТЕРАТУРЫ И ТОВМАЦЬКÓЇ ШКОЛЫ
Ігорь Керча родив ся 20 децембра 1943 рока у селі Горонда на Мукачовщині. Середню школу закончив в Ужгороді. Щи товды, у школьні рокы, зачав писати стихы, котрі печатали ся в ужгородськых новинках.

Туй, в Ужгороді, закончив фізичный факултет Ужгородського універзитета, у Кийиві изглядав системотехніку.

Талант гуманітарія и природописноє ошколованя помагло И. Керчі не лем у краснум писемстві а и дало му моцу занимати ся научныма изглядателствами у галузі русиністикы.

 

Дякувучи сьым качествам, вун поберовав у 1998 рокови зачати выдавателство літературної едиції «Пудкарпатія», у 1999 рокови у рокаши из другыма авторами выдав у Будапешті граматику русинського языка «Материнськый язык».

Вєдно из професором Иштваном Удварі у 2000 рокови И. Керча выдає книгу «Обращикы. З історії Пудкарпатськых Русинув». У циклі літературної едиції «Пудкарпатія» першым быв изданый томик стихув Шандора Петевфія, потовмаченый на русинськый язык. За тым шоровало товмацтво прозы Ивана Олбрахта, товмацтко исторії Андраша Ш. Бенедека «Русины, gens fidelissima» (2001 р.), зборник фолклора «Матяш, король русинув», проза Дюлы Крудія (2002 р.).

Товды, у 2001 рокови, у Будапешті была издана и читанка про русинські неділні школы «Утцюзнина».

У рокы 2002, 2005, 2007 издає ся зборник «Збирька жерел про студії русинського писемства І,ІІ,ІІІ», котра выйшла у Ніредьгазі за авторста И. Керчі и И. Удварі. Айбо настоящов бомбов было издателство у 2007 рокови двохтомного «Словника русинсько-руського», у котрый войшло верьх 58 000 слов.

У 2012 рокови И. Керча издає ищи єдну, айбо май гіганську роботу – «Словник русько-русинськый» на 65 000 слов.

 

Ушыткі роботы И. Кирчі суть глыбокыма, научно-обоснованыма. И через се они честувуть ся у шилякых изглядателськых рокашах. Кеть бы читанка про русинські недільні школы «Утцюзнина» была у свуй час предоставлена вчителям неділных школ (їх у 2008 р. налічовало ся 40), товды хосен од тых школ быв бы май читавый.

За многоручну роботу по всокоченю и розвою русинського языка И. Кирча быв награжденый премійов им. Антонія Годинки и «Руськов премийов», а словникы лексикографа суть настолныма про многых изглядателюв русинського слова и честовалникув нашого языка.

Юрій Шипович

rueportal.eu

Оцініть матеріал!
(1 Голосували)


Переглядів: 134

Авторизуйтесь, щоб мати можливість залишати коментарі

Нагадуємо Вам, що редакція видання не несе відповідальності за зміст матеріалів, які розміщені користувачами сайту.
Реклама