Вівторок, 19 листопада 2019 10:43

Днесь Михаилу Лучкаю - 230 Головна новина

Днесь Михаилу Лучкаю - 230
Михаил Лучкай (Михаил Поп) родив ся 19 новембра 1789 у Великых Лучках, Березького комітату. Быв священником, историком, лінгвістом.


М. Лучкай зачав ходити до ґімназії в Ужгороді, а закончив єї в Орадейи (Великому Варадині) в 1812, потому вчив ся у греко-католицькуй семінарії у Відні (1812 – 1816).
По освяченю на ґреко-католицького священника у 1816-му рокови куртый час служив у руднум селі, почому, у 1818 р., быв призначеный до єпіскопскої службы в Ужгороді, де став секретарьом єпископа, архіваріусом, нотаріусом и главов єпархіалної консисторії.
Пуздніше, у 1827 рокови, быв призначеный священникаком на Цеголну улицю.
У 1829 р. М. Лучкай перебрав ся служити при дворі князя Карла Людовіка Бурбона в вариш Лукка (Италія). Перебывавучи у в. Лукка, М. Лучкай присвятив свуй час зоставленю граматикы про карпаторусинув (Grammatica Slavo-Ruthena: seu Vetero-Slavicae et actu in montibus Carpathicis Parvo Russicae, seu dialecti vigentis linguae‟, 1830). Вун хотів, жебы церковно-словянськый язык став сполочным літературным язаком про вшыткых словян, так ги латинськый язык функціоновав сполочным літературным языком многым народам Западної Европы.

 


У 1831 р. М. Лучкай вернув ся в Ужгород, де го уволили од єпархіалных повиностей, айбо лишили священником Цеголськой парохії. Даже будучи приверженцьом старословянського языка, М. Лучкай настойовав на тум, абы священникы проповідовали на русинськум розговорнум языкови. На подпору тої идеї вун опубліковав два томы своїх проповідюв на русинськум языку („Цєрковныя бесѣды на всѣ недѣли рока на поученїє народноє‟, 1831).

На изображении может находиться: текст


У 1841 р. Лучкай зоставив чотыритомный русинсько-латинсько-мадярсько-німецькый словник.
Майзнамнов роботов Михаила Лучкая была шеститомна «Исторія карпатьскых русинов» (Historia Carpato-Ruthenorum (1843). Хоть она пролежала булше сто рокув у рукописі, айбо знали ї добре и у 19 сторочі.
Обертавучи позур на розвой Мукачовської єпархії, М. Лучкай доказовав, же русины суть автохтонным населеньом карпатського реґіону и же они прийняли християнство в 860-ых роках од Костянтина (Кирила) и Мефодія.
Умер Михаил Лучкай 3 децембра 1843 рока в Ужгороді, де и похороненный.

Юрий Шипович
Оцініть матеріал!
(0 голосів)


Переглядів: 125

Авторизуйтесь, щоб мати можливість залишати коментарі

Нагадуємо Вам, що редакція видання не несе відповідальності за зміст матеріалів, які розміщені користувачами сайту.
Реклама